အားလုံးကိုယ်စိတ်နှစ်ဖြာရွှင်လန်းချမ်းမြေ့ကြပါစေ

Friday, 2 March 2012

...................စိတ်ကူးနှင့်လက်တွေ့ .....................



မိမိရောက်ချင်သည့်နေရာ ဆိုက်ချင်သည့်ကမ်းဖြစ်ရန် အဓိကကျသည့်ရည်မှန်းချက်ရှိရ
မည်။ ရည်မှန်းထားသည့် ဖြစ်ချင်တာတွေကို ဖြစ်လာအောင်အကောင်အထည်ဖော်နေရင်းက
စိတ်ကူးယဉ်နေရမည်။ မိမိဖြစ်ချင်တာကိုတွေးပြီး စိတ်ကူးယဉ်နေရုံမျှတော့ ဖြစ်ချင်တာတွေ
အလိုလို ဖြစ်လာမည်မဟုတ်။ ဖြစ်ချင်တာဖြစ်ရန် မိမိကိုယ်တိုင်လုပ်ပြီးယူရမည်။ မိမိကိုယ်ကို
အားကိုးရမည်။ မိမိကိုယ်ကိုအားကိုးပြီး မိမိဘာသာလုပ်ရမည်ဆိုလျှင် စိတ်ဓာတ်ကပျော့ညံ့နေ
၍မဖြစ်။ ခိုင်မာပြတ်သားသည့် စိတ်မျိူးရှိနေရမည်။ အဘယ့်ကြောင့်ဆိုသော် မိမိဖြစ်ချင်သည်ကို
ဖြစ်လာရန် အကောင်အထည်ဖော်နေစဉ် မျှော်လင့်မထားသည့်အဟန့် အတားများ မွှေနှောက်လာ
မည့် အခက်အခဲများကို ရင်ဆိုင်ကျော်လွှားနိုင်ရန် ခိုင်မာပြတ်သားသည့် စိတ်ဓာတ်မျိူး ရှိနေမှဖြစ်
မည်။ စိတ်ဓာတ်ကပျော့ညံ့နေလျှင် ကြုံရတွေ့ ရသည့် အဟန့် အတားအခက်အခဲများအောက်ပြား
ပြားမှောက်သွားမည်။
ဖြစ်ချင်တာဖြစ်ဖြစ်ရန် အားထုတ်ကြိုးပန်းသည့်အခါ ခိုင်မာပြတ်သားသည့် စိတ်ဓာတ်အပြင် ဇွဲ
လည်းမရှိမဖြစ်လိုအပ်မည်။ ဇွဲသည်အားမလျှော့ဘဲ စွဲစွဲ မြဲမြဲလုပ်ဆောင်သည့် သတ္တိပင်။လမ်းစ
အပျောက်မခံဘဲ ရည်မှန်းချက်ပန်းတိုင် မရောက်မချင်း လျှောက်လှမ်းနေရမည်။ လျှောက်တော့
လျှော်ပါ၏။ ပန်းတိုင်ဆီမရောက်နိုင်သေးဘဲ အရောက်နှေးလွန်းလာ၍ တွေဝေလာသည်။ တွေမှု့
ကြောင့်ထိုင်းမှိုင်းလေးကန်နေပြီ။ ထိုအခါ ထိုအခါမှန်းချက်ကလမ်းတစ်ဝက်တွင်ပျောက်သွားသည်။
ဇွဲမခိုင်ဘဲ အားလျှော့၍ဖြစ်သည်။ထို့ကြောင့်ရည်မှန်းချက်ပန်းတိုင်မရောက်မချင်း ဇွဲကိုတင်းထားပါ။
အားမလျှော့လိုက်ပါနှင့် ။အားလျှော့၍ အားပျော့သွားသည်နှင့် တစ်ပြိုင်နက် ဦးတည်လာသည့်လမ်း
ကြောင်းက တိမ်းစောင်းယိမ်းယိုင်သွားမည်။ တိမ်းစောင်းယိမ်းယိုင်နေပြီဆိုလျှင် ရည်မှန်းချက်ပျက်
ပြီ။ ရည်မှန်းချက်ပျက်စီးသွားလျှင် အစားထိုး၍မရတော့သည့် ဆုံးရှုံးမှု့ကြီးဖြစ်သည်။ အားမလျှော့
အားမပျော့ရန်အတွက် သတ္တိကိုမွေးပါ။ သတ္တိသည် စွမ်းရည်ဆိုသည့် အဓိပ္ပါယ်ကို ဖော်ဆောင်နေ
ပါသည်။ လုပ်ကိုင်ဆောင်ရွက်နိုင်သည့် အရည်အချင်းကို စွမ်းရည်ဟုခေါ်သည်။ အရည်အချင်းရှိရန်
ဆိုသည့်နေရာတွင် ကျွမ်းမှု့လိုသည်။ ကျွမ်းကျင်မှု့သည် တစ်ခုခုတစ်နေရာရာတွင် တတ်သိလိမ္မာနေ
ခြင်းဖြစ်သည်။ တတ်သိလိမ္မာ ကျွမ်းကျင်မှု့သည် မိမိစိတ်ကူယဉ်သည်ကို အကောင်အထည်ဖော်ရန်
အတွက် တတ်သိလိမ္မာ ကျွမ်းကျင်အောင် ကြိုးပမ်းရဦးမည်။ လေ့လာခြင်း ဆီးပူခြင်း ၊သင်ယူခြင်း၊
မှတ်သားခြင်း၊နည်းနာခံယူခြင်း၊ မာန်မာနကိုနှိမ်ချခြင်းများက တတ်သိလိမ္မာ ကျွမ်းကျင်မှု့အတွက် အထောက်အပံ့ကောင်းများဖြစ်သည်။ အထောက်အပံ့ကောင်းများကိုပိုင်ဆိုင်ရယူနိုင်လျှင် ထက်
မြက်လာမည်။ ထက်မြက်လာခြင်းသည် ရဲရင့်ခြင်းဖြစ်သည်။ စွမ်းဆောင်ရည်ကို ရဲရင့်ခြင်းနှင့် ပေါင်း
စပ်ဖော်ဆောင်လိုက်လျှင်စိတ်ကူးယဉ်ထားသည့်ရည်မှန်းချက်ပန်းတိုင်ဆီ ရောက်ရှိသွားပြီ။
အောင်မြင်သွားခြင်းဖြစ်သည်။
ယနေ့ အောင်မြင်ကျော်ကြားလူသိများနေသည့်သူများကို လေ့လာကြည့်လျှင် အောင်မြင်မှု့ကို
လွယ်လင့်တကူနှင့် ရယူခဲ့သူ တစ်ဦးတစ်ယောက်မျှ မရှိပါ။ စိတ်ကူးယဉ်ရည်မှန်းချက်ပြည့်အောင်
ကျားကုတ်ကျားခဲကြိုးစားခဲ့ကြရသည်။စိတ်ကူးယဉ်ခြင်းသန္ဓေသားဘဝမှ မွေးဖွားရှင်သန်လာသည့်
အောင်မြင်မှု့များဖြစ်သည်။ ထို့ ကြောင့်စိတ်ကူးယဉ်ခြင်းသည် ကောင်းပါသည်ဟု အားပေးရင်း စိတ်ကူးယဉ်သည့်အတိုင်းဖြစ်အောင် ကြိုးပမ်းကြပါရန် တိုက်တွန်းပါသည်။

(ကြေးမုံ စာတည်းရှု့ထောင့်)၂၉.၂.၂၀၁၂။ဗုဒ္ဓဟူးနေ့ .

No comments:

Post a Comment