အားလုံးကိုယ်စိတ်နှစ်ဖြာရွှင်လန်းချမ်းမြေ့ကြပါစေ

Thursday 28 April 2011

@...ဝိသုဒ္ဓါရုံ.တိပိဋက-ယောဆရာတော်..@








၁။*မပိုင်စိတ်ထား၊အလကား၊ သူများအနိုင်ရ။
*ကိုယ်ပိုင်စိတ်ထား၊ ကိုယ့်စွမ်းအား၊သူများယူမရ။
*နိဗ္ဗာန်ရည်မှန်းဥာဏ်ပြဌာန်း၊ ရွှင်လန်းတက်ကြွရ။
*သိက္ခာသုံးဖြာ၊ကြိုးစားကာ၊ ကောင်းစွာဖြည့်သွင်းရ။
*ရှေ့နောက်အတွင်း၊အပူကင်း၊ သန့်ရှင်း-အေးချမ်းရ။


၂။သဒ္ဓါ၊ တဏှာ၊ဤအနှစ်ဖြာ၊လူ့ ရွာအဖော်တွေ၊
သဒ္ဓါအဖော်၊ရှိခဲ့သော်၊ရွှင်ပျော်အားတက်ပေ၊
တဏှာခိုင်းသမျှပြုလုပ်က၊ဒုက္ခရောက်နိုင်ချေ၊
ပစ္စည်းခန္ဓာ၊ရရုံသာ၊သေရွာမဆုံးချေ၊
တရားရှာမှ၊အနှစ်ရ၊ မုချချမ်းသာပေ။


၃။*သူ၏အသက်၊ရက်စက်မညှာ၊မသတ်ပါ၊
သတ်တာရှောင်ပါမည်။
*သူ၏ဥစ္စာမခိုးပါ၊ခိုးတာရှောင်ပါမည်၊
*ကာမဂုဏ်မွဲ၊ကျင့်မောက်လွဲ၊ရဲရဲရှောင်ပါမည်။
မဟုတ်မှန်တာ၊မပြောပါ၊လိမ်တာရှောင်ပါမည်။
*အရက်သေစာ၊မသောက်ပါ၊မူးတာ၊ရှောင်ပါမည်။
*ကျင့်ဝတ်ငါးပါး၊မြတ်တရား၊ကြောင့်၊အများလိမ္မာ၊
ဘေးရန်ကွာ၊ချမ်းသာ၊အေးမြသည်။


၎။သတိအစွမ်း စိတ်အေးချမ်း--

*ကိုယ့်ဟာကိုယ်သာ၊ပေါင်းသောခါ၊
သိက္ခာပြည့်အောင် သတိပြု။
* ပစ္စည်းနှင့်သာ၊ပေါင်းသောခါ၊
ကောင်းတာရအောင် သတိပြု။
* ဆွေမျိူးနှင့်သာ ပေါင်းသောခါ၊
မေတ္တာရအောင် သတိပြု။
* အလုပ်နှင့်သာ ပေါင်းသောအခါ၊
သိက္ခာရအောင် သတိပြု။
* ဒုက္ခနှင့်သာ ပေါင်းသောခါ၊
ပညာရအောင်သတိပြု။
* ကိုယ့်ကိလေသာ ပေါင်းသောခါ၊
ပညာရအောင် သတိပြု။
* ဘာနှင့်ပေါင်းပေါင်း အကုန်ကောင်း၊
(ကုသိုလ်)အကောင်းရအောင် သတိပြု။


* လူ့ ဘဝမှာ ၊ကုသိုလ်သာ၊
မှန်စွာမြင့်မြတ်သည်။
* ကုသိုလ်ရမှ လူ့ဘဝ၊
မုချချမ်းသာမည်။
* ခုရောနောင်ပါ၊ အေးမြကာ၊
ဝမ်းသာရလေသည်။

* လူ၏ခန္ဓာ သတိသာ ၊
မှန်စွာပဓာန။
* သတိမပါ၊ ပြီးရုံသာ၊
ကောင်းတာ မပြည့်ဝ။
* သတိတွဲကာ၊ ပြီးတိုင်းသာ၊
ကောင်းတာ ပြည့်စုံရ။
* သတိတွဲကာ အသိပါသော်၊
ဘာနှင့်ပေါင်းပေါင်း၊ အကုန်ကောင်း၊
အကောင်း(ကုသိုလ်)ကိုယ်ပိုင်ရ။
*ဘာနှင့်ကွဲကွဲ၊ ဥာဏ်မကွဲ၊
အမြဲအေးချမ်းရ။
* သတိပျောက်ဘိ၊ အသိသေကာ၊
ဆုံးရှုံးပါ ၊ ခန္ဓာ သုံးမရ။
*သတိမြဲစွာ၊ ကျန်သေးပါလျှင်၊
ခန္ဓာ ဆိုးသွမ်း၊ ကျိူးကန်းအိုနာ၊
ဖြစ်စေကာမူ၊ စိတ်စင်ဖြူ၊
ထုတ်ယူတရား-သုံး၍ရ။


*ပူလောင်ညစ်နွမ်း၊
အမြင်ကန်း၊
ပင်းပန်းရတဲ့ ၊
ကိလေသာ။
*သံကို သံဖျက်
သံချေးတက်သို့ ၊
စိတ်ပျက်သွားရန်
ဖျက်ဆီပြန်၊
အလွန်ကြောက်စရာ။
*ကြီးလေ ဆိုးလေ၊
အလွန်မွှေ၊
အသေမဖြောင့်ပါ။
*ကျိူးလို သယောင်၊
ဟန်ပန်ဆောင်၊
လဲအောင်တွန်းချတာ။
*သိက္ခာ စုဆောင်း၊
လက်နက်ကောင်း၊
ထောင်းထောင်းကျေအောင်၊
တိုက်ဖျက်ပါ။






No comments:

Post a Comment