အားလုံးကိုယ်စိတ်နှစ်ဖြာရွှင်လန်းချမ်းမြေ့ကြပါစေ

Sunday 27 November 2011

..............အနိစ္စထင်မှတရားမြင်မည်........


လောက၌လူသားတို့သည်နှစ်သက်ဖွယ်ရာအာရုံများနှင့်တွေ့ကြုံရလျှင်မေ့လျှော့ကာ၊
ထိုနှစ်သက်ဖွယ်အာရုံများနှင့်ယစ်မူးပျော်မွေ့နေတတ်ကြပေသည်။
ထို့ကြောင့် မိမိပြုလုပ်ပြောဆိုနေထိုင်ရာ၌အစွန်းမရောက်ဖို့ရန်လိုအပ်ပေသည်၊ သို့မှသာ
အမှားနည်း၍ ကောင်းသောအပြုအမူများ ကိုပြုလုပ်ရန်အခွင့်လမ်းများဖြစ်လာနိုင်ပေမည်။
မြတ်စွာဘုရားရှင် သက်တော်ထင်ရှားရှိစဉ်အခါတွင် ရဟန်းတစ်ပါးသည်
အမျိူးသမီးတစ်ဦး၏ အလှအပ၊ရူပါရုံ၌ သတိမေ့လျှော့ကာ တပ်မက်နှစ်သက် စွဲလန်းပြီး
ဆင်းရဲဒုက္ခဖြစ်ခဲ့ရလေသည်။ထိုရဟန်းကား အလှ၏အနိစ္စတရားကိုစိတ်မှာမထင်၍
တရားသဘောကိုမမြင်ဘဲ အဆင်းအာရုံ၌နှစ်သက်စွဲလန်း စိတ်ပင်ပန်းခဲ့ရရှာ၏။
ထိုအဖြစ်ကား- မာဂဓတိုင်း ရာဇဂြိုဟ်ပြည်၏ အလှမယ်ဖြစ်သော 'သီရီမာ'ဟူသော
အမျိူးသမီးသည်မြတ်စွာဘုရားရှင်သည်ဟောကြားတော်မူခဲ့သော တရားဒေသနာ
တော်ကို နာကြားရသဖြင့်၊သောတာပန်ဖြစ်ခဲ့ရသည်။ထိုအချိန်မှစ၍ ရတနာမြတ်သုံးပါးကို
ိုကြည်ညိုလှ၍ ၊အိမ်သို့ရဟန်းတော်ရှစ်ပါးကို နေ့စဉ်ပင့်ဖိတ်ပြီးဆွမ်းလောင်းလှူ ကုသိုလ်
ပြုလုပ်သည်။
အလှမယ်သီရိမာ၏အိမ်သို့ ဆွမ်းခံကြွရောက်မည့်ရဟန်းများကို ထေရ်စဉ်ဝါလိုက် ရွေးပြီး
နေ့စဉ်ဆွမ်းခံကြွစေ၏။တနေ့သောအခါတွင် သီရိမာအိမ်တွင် ဆွမ်းခံကြွခဲ့ရသော ရဟန်း
တစ်ပါးသည် ရာဇဂြိုဟ်မြို့မှသုံးယူဇနာမျှဝေးသောတောကျောင်းတစ် ကျောင်းသို့ရောက်သွား
လေသည်။
ကျောင်းရှိရဟန်းများသည်အဝေးမှရောက်ရှိလာသော အဂန္တုကရဟန်းနှင့်စကားဆွေးနွေး
ပြောကြားရာရာဇဂြိုဟ်မြို့၏နေထိုင်စားသောက်ရေးအခြေအနေများကိုလည်းမေးမြန်းဆွေး
နွေးဖြစ်ကြလေသည်။ထိုအခါ အာဂန္တုကရဟန်းက ရာဇဂြိုဟ်မြို၌ စားသောက်ရေး(ဆွမ်းရေး)
အခက်အခဲမရှိပုံနှင့် အလှမယ်သီရီမာ ၏ အိမ်၌ မိမိဆွမ်းခံရောက်ခဲ့ရပုံအခြေအနေတို့ကိုပါ
ဆွေးနွေးပြောကြားလေသည်။
သီရီမာသည် စေတနာသဒ္ဓါတရားကောင်းပြီး ရုပ်ရေအဆင်းမှာလည်းအလွန်လှပကြောင်း
နှင့် သီရိမာ၏အလှကိုလည်းဖွဲ့ဆိုချီးမွမ်းပြောဆိုသောအခါ တောကျောင်း၌နေသော ရဟန်ငယ
်တစ်ပါးမှာ သီရိမာကိုအလွန်တွေ့မြင်ချင်နေလေသည်၊ထိုနေ့မှာပင် သီရိမာ၏အလှကို တွေ့မြင်
လိုလှသောရဟန်းငယ်သည်သပိတ်၊သင်္ကန်းတို့ကိုပြင်ဆင်ယူဆောင်ပြီး ရာဇဂြိဟ်မြို့သို့
ထွက်လာခဲ့ရာ နောက်တစ်နေ့ဆွမ်းခံချိန်မရောက်မှီ ဝေဠုဝန်ကျောင်းတော်သို့
ရောက်ခဲ့လေသည်။
ဆွမ်းခံချိန်ရောက်သောအခါ သီရီမာ၏ အိမ်သို့ ဆွမ်းခံရန် ရဟန်းတော်ရှစ်ပါးအားထေရ်စဉ်
ဝါလိုက်ရွေးချယ်ရာ တောကျောင်းမှရောက်လာသော ရဟန်းငယ်အားလည်းရွေးချယ်ခံရပြီိး
ဆွမ်းခံလိုက်ပါသွားရလေသည်။
သီရီမာကား- ထိုနေ့တွင် ရုပ်တရက် ရောဂါဝေဒနာကျရောက်လာပြီးအိပ်ယာမှ မထနိုင်ဘဲဖြစ်
်နေလေသည်။သို့ဖြစ်၍ ရဟန်းတော်များအားကိုယ်တိုင် ဆွမ်းလုပ်ကျွှေးပြုစုရန်မတတ်နိုင်ဘဲ၊အိမ်ဖော်
များကိုသာ ဆွမ်းပြုစုလုပ်ကျွေးစေသည်။ဆွမ်းလောင်းလှူပြုစုပြီးသောအခါ သီရီမာသည် အိမ်ဖော်
အမျိူးသမီးတို့အားသူမကိုပွေ့ချီစေပြီး ရဟန်းတော်များရှေ့သို့ရောက်လာ၍ ရှိခိုးလေသည်။
ဟောင်းနွမ်းသောအဝတ်၊နေမကောင်း၍ နွမ်းလျှဖြစ်နေသောကိုယ်ဖြင့် လာရောက်၍ ရှိခိုးသော
သီရိမာအမျိူးသမီးကိုမြင်လျှင် ရဟန်ငယ်သည်-"ဤအမျိူးသမီးသည် မကျန်းမာ၍ ဆင်ယင်
ထုံးဖွဲ့လိမ်းခြယ်သထားခြင်းမပြုဘဲ လျှက်ပင် ဤမျှလှပနေပေသေးသည်၊ကျန်းမာစွာဖြင့်
ကောင်းစွာဆင်ယင်ခြယ်သထားပါလျှင်၊သူ၏အလှသည်ဆိုဘွယ်မရှိအလွန်လှပနေမည်"ဟု
တွေးနေမိပြီး သီရိမာ၏အလှ၌ တပ်မက်စွဲလန်းခြင်း ပြင်းစွာဖြစ်လျှက်ကျောင်းသို့ပြန်လာခဲ့၏။
ရဟန်းငယ်သည်ကျောင်းသို့ပြန်ရောက်သောအခါ သီရီမာ၏အလှကို စွဲလန်းသောစိတ်ကြောင့်
ဆွမ်းကိုပင်မစားနိုင်တော့ဘဲ ကျောင်းခန်းထဲသို့ဝင်၍ အိပ်နေလေသည်။
သီရိမာအလှမယ်သည်လည်း ရောဂါဝေဒနာနှိပ်စက်လေသောကြောင့် ထိုည၌ပင် ကွယ်လွန်
သွားလေသည်။
ထိုအခါ ဗိမ္ဗိသာရမင်းကြီးသည် အလှမယ်သီရိမာ ကွယ်လွန်သွားကြောင်းကို မြတ်စွာဘုရား
ရှင်ထံသို့ လူလွှတ်၍ လျှောက်ကြားစေသည်။ မြတ်စွာဘုရားရှင်သည် သီရိမာ၏ရုပ်အလောင်း
ကောင်ကို ချက်ချင်းမီးသဂြိုဟ်ခြင်းမပြုသေးစေဘဲ၊အစောင့်အရှောက်များဖြင့် သုသာန်၌ထားစေ
ရန်မိန့်တော်မူလေသည်။
လေးရက်မြောက်သောနေ့တွင် ဗိမ္ဗိသာရမင်းကြီးသည် များစွာသော မြို့သူမြိုးသားများနှင့်အတူ
တစ်ကွသီရိမာ၏ရုပ်အလောင်းကောင်ကို သဂြိုဟ်ရန်သုသာန်သို့ရောက်လာခဲ့လေသည်။
မြတ်စွာဘုရားရှင်သည်လည်း ရဟန်းသံဃာတော်များနှင်အတူသုသာန်သို့ကြွရောက်တော်မူလာခဲ့လေသည်။သီရိမာ၏
အလှကိုစွဲလန်း၍ လေးရက်တိုင်တိုင် ဆွမ်းမစားဘဲအိပ်နေရာမှ"သီရိမာထံသွားကြမည်"ဟူ
သောစကားကိုကြားလျှင်ပင် ချက်ချင်း အိပ်ယာမှအလျှင်မြန်ထကာ ရဟန်းများနှင့်အတူ မြတ်စွာဘုရားရှင်၏နောက်တော်မှလိုက်ပါလာခဲ့လေသည်။
သုသာန်သို့ရောက်လျှင် မြတ်စွာဘုရားရှင်နှင့် ရဟန်းသံဃာတော်များက သီရိမာ
ရုပ်အလောင်း၏ညာဘက်မှလည်းကောင်း၊ဗိမ္ဗိသာရမင်းကြီးနှင့် လူပရိတ်သတ်များက ဘယ်ဘက်မှလည်းကောင်းနေရာအသီးသီးယူကာရပ်နေကြလေသည်။
ထိုအချိန်တွင် အလှမယ်သီရိမာ၏ကိုယ်သည် ဖူးဖူးရောင်လျှက် ပုတ်ပွပြီး အရည်များယိုစီးကာ
စက်ဆုပ်ရွံရှာဖွယ်ရာ အတိဖြစ်နေလေပြီ။ထိုစက်ဆုပ်ရွံရှာ ဖွယ်အတိဖြစ်နေသော
သီရိမာ၏အလောင်းကောင်ကိုကြည့်၍ မြတ်စွာဘုရားရှင်က ဗိမ္ဗိသာရမင်းကြီးအား -
"ဒကာတော်မင်းကြီး-ဤသီရိမာသည် အသက်ရှင်လျှက်ရှိစဉ်က မည်မျှအဖိုးထိုက်တန်လေသနည်း"
ဟု မေးလေသော်-"အရှင်ဘုရား-ဤသီရီမာ အမျိူးသမီး နှင့် ပျော်ပါးလိုကြသော ယောင်္ကျားများက
တစ်နေ့လျှင် အသပြာတစ်ထောင် ပေး၍ ပျော်ပါးကြရပါသည်ဘုရား"ဟုလျှောက်လေသည်။
ဒကာတော်မင်းကြီး"ယခုအခါ အသပြာတစ်ထောင်ပေး၍ ပျော်ပါးမည့်သူ ရှိပါသေးသလား"
အရှင်ဘုရား-"အသပြာတစ်ထောင်မဆိုထားနှင့် အလကားအခမဲ့ ပေးသော်လည်း ယူကြတော့မည့်
သူမရှိတော့ပါ"ဟု ၊ဗိမ္ဗိသာရမင်းကြီးက ဤသို့ လျှောက်ထားလေသောအခါ၊
မြတ်စွာဘုရားသည်- သုသာန်သို့စုဝေးရောက်ရှိလာကြကုန်သော ရဟန်ပရိတ်သတ်၊လူပရိတ်
သတ်တို့အား-
"အို- သူတော်ကောင်းပရိတ်သတ်တို့- အဝတ်တန်ဆာ ပန်းနံ့သာစသည်တို့ဖြင့် လှပတင့်တယ်
ရှု့ချင်စဖွယ်ပြင်ဆင်ထားသော အရုပ်နှင့်တူသည့် ဤကိုယ်ကောင်ကို ရှု့ကြည့်ကြကုန်လော့၊စင်စစ်
ဤကိုယ်ကောင်သည်အနာရောဂါမျိူးစုံတို့၏ကျရောက်စုဝေးရာဖြစ်၏။အရိုးပေါင်းသုံးရာတို့ဖြင့်
တည်ဆောက်ထားသော ဤကိုယ်ကောင်သည်အခါမလပ် နာကျင် နှိပ်စက်တတ်၏၊လူအများက စိတ်ကူးအမျိူးမျိူးဖြင့်၊ သာယာစုံမက်နှစ်သက်နေကြသော်လည်း ဤ ကိုယ်ကောင်သည်
ခိုင်ခံ့တည်မြဲမှု့လုံးဝမရှိပေ"ဟု တရားဒေသနာတော်ကိုဟောကြားလေသော်- သီရိမာ၏
အလှကုိုနှစ်သက်စွဲလန်းနေသော ရဟန်းသည် တရားတော်နာကြားရပြီး သီရိမာ၏အလှ၌
အနိစ္စသဘောကိုထင်မြင်လာပြီး တရားသဘောကိုတွေ့မြင်ရ၍ သောတာပတ္တိဖိုလ်သို့ဆိုက်
ရောက်တည်သွားလေသည်။ (၁၁။ဇရာဝဂ်၊၂-သီရိမာဝတ္ထု၊) -vi99

No comments:

Post a Comment