အားလုံးကိုယ်စိတ်နှစ်ဖြာရွှင်လန်းချမ်းမြေ့ကြပါစေ

Tuesday, 13 December 2011

အာဠဝကဘီလူးကိုအောင်မြင်တော်မူခြင်း-၄၊


အာဠဝကဘီလူးကြီးသည်၊အာဠဝီပြည်အနီး ညောင်ပင်ကြီးရှိ ဗိမာန်တွင် နေလေသည်။ဒေါသ
မာန်အလွန်ကြီးပြီး ကြမ်းတမ်းရက်စက်၏။ဝဿဝဏ်နတ်မင်းအထံမှ ညောင်ပင်အောက် ဝင်ရောက်
လာသူကို စားခွင့်ရထား၏၊အာဠဝီမင်းကြီးသည်သမင်လိုက်ရာမှအပြန် ထိုညောင်ပင်ရိပ်တွင်၊
ဝင်ရောက်နားခိုမိသဖြင့် အာဠဝကဘီလူးကြီးကစားမည်ပြုလေရာ၊မင်းကြီးက သူကိုလွှတ်ပေးပါက
နေ့စဉ် လူတစ်ယောက်နှင့် ထမင်းတစ်အိုး နေ့စဉ်ပို့ပေးပါမည်ဟုပြောရာမင်းကြီးအသက်ချမ်းသာရာ
ရရှိပြီးနေ့စဉ် အကျဉ်းသား ရာဇဝတ်သားတို့ကိုပို့ပေး၏။ပို့ပေးရန်အကျဉ်းသားရာဇဝတ်သားတို့မရှိ
သောအခါကလေးငယ်များကို ပို့ပေးလေ၏။နောက်ဆုံးတွင်မင်းကြီးသည် ၊အာဠဝကမင်းသားကို
ပို့ပေး၏။
ထိုနေ့ညနေချမ်းတွင် မြတ်စွာဘုရားရှင်သည် အာဠဝကဘီလူးကြီးကိုကယ်ချွတ်ရန် ဘီလူကြီး
ဗိမာန်၌ နေ၏။ထိုအချိန်တွင် အာဠာဝကဘီလူကြီးသည် ဟိမဝန္တာနတ်ဘီလူးများ၏ အစည်း
အဝေးသို့ သွားနေစဉ်ဖြစ်၏။ တံခါးစောင့် ဂဒြဘနတ်ဘီလူး၊သတင်းပို့ချက်အရ မြတ်စွာဘုရားရှင်
သူ၏ဗိမာန်၌ရောက်နေကြောင်း အာဠဝကဘီလူးကြီးသိလေ၏။ ဟေမဝတ နှင့် သာတာဂီရိတို့
ကလည်း ဗိမာန်၌ အခြွေအရံ ဘီလူမများ မြတ်စွာဘုရားရှင်အထံတွင် တရားနာယူနေကြသည်
ကိုတွေ့ခဲ့ရကြောင်း သတင်းပေးပြောကြားကြ၏။
ထိုအခါ အာဠဝကဘီလူးကြီးသည် အလွန်ဒေါသအမျက်ထွက်လျှက် သူ၏ ဗိမာန်သို့ ပြန်လာပြီး
မြတ်စွာဘုရားရင်အား သေစေလို၍ လေမုန်တိုင်းကြီးများတိုက်ခတ်စေ၏၊မိုးကြီးရွာစေ၏၊ဓား၊လှံ၊
လက်နက်မိုး၊မီးကျီးမိုး၊ပြာပူမိုး၊သဲမိုး၊ရွှံ့ညွှန်မိုး၊တို့ကိုရွာချစေ၏၊အမှောင်ထုကြီးကိုဖန်ဆင်းစေ၏၊
နောက်ဆုံးတွင်ဘွဲဖြူလက်နက်ဖြင့်ပစ်ခတ်တိုက်ခိုက်လေ၏။မြတ်စွာဘုရားရှင်၏ပါရမီတော်တို့
ကြောင့် တစ်စုံတစ်ခုမျှ ထိမှန်ခြင်းမရှိခဲ့ချေ။အာဠာဝကဘီလူကြီးကသူ၏ဗိမာန်မှ ထွက်ရန်ပြော
လေသော် မြတ်စွာဘုရားရှင်က ထွက်၏၊ပြနဝင်ရန်ပြောလေသော် ပြန်၍ ဝင်လေ၏၊ဤသို့
ထွက်ချီ ဝင်ချီ ခိုင်း၍ မောမှ ခြေနှစ်ချောင်းကိုဆွဲကို၍ ဂင်္ဂါမြစ်တစ်ဖက်ကမ်းသို့ စိတ်ကူးပြီး
"ရဟန်းကြီးဂေါတမ ထွက်ခဲ့ဦးလော့"ဟုဆိုလေသော်၊မြတ်စွာဘုရားရှင်က မထွက်လာတော့
ချေ။ထိုအခါ အာဠဝကဘီလူကြီးက မြတ်စွာဘုရားရှင်အား အမေးပုစ္ဆာကို မေးခွင့်တောင်းလေ
၏။မြတ်စွာဘုရားရှင်က ခွင့်ပြုသဖြင့်မေးလေ၏။"လောက၌ မြတ်သောဥစ္စာကား-အဘယ်ပါနည်း၊
ချမ်းသာကိုဆောင်သော အကျင့်ကား -အဘယ်ပါနည်း။ အကောင်းဆုံးသော အရသာကား-
အဘယ်ပါနည်း။ မည်သည့်အသက်မွေးမှု့သည် အကောင်းဆုံးဖြစ်သနည်း။"ဟု မေးလျှောက်
လေသည်။
မြတ်စွာဘုရားရှင်ဖြေတော်မူလေ၏၊ - လောက၌"ရတနာသုံးပါး၊ကုသိုလ်၊အကုသိုလ် ကံ၊ကံ၏
အကျိူးတို့၌ ယုံကြည်မှု့သဒ္ဓါတရားသည် ၊မြတ်သောဥစ္စာဖြစ်၏။ကုသိုလ်ကမ္မပထတရားဆယ်ပါး
သည် ချမ်းသာကိုဆောင်သော အကျင့်ဖြစ်၏။မှန်သော သစ္စာ စကားကိုပြောဆိုခြင်းသည်
အကောင်းဆုံး အရသာဖြစ်၏၊ ပညာဖြင့်အသက်မွေးခြင်းသည် မြတ်၏ အကောင်းဆုံးဖြစ်၏"
ဟုဖြေကြားပေးပြီးတရားဟောလေရာ၊အာဠဝကဘီလူးကြီးသည်တရားနာကြားပြိးနောက်
တရားရကာ၊သောတာပန်တည်သွားလေသည်။ ထိုအချိန်တွင် အာဠဝီမင်းကြီးက သားကို
ဘီလူးစာကျွေးရန် ပို့လာလေသည်ကို မြတ်စွာဘုရားရှင်အား လှူလိုက်လေတော့သည်။
ထိုမင်းသားငယ်သည် နောင်အခါတွင် ဟတ္ထာဠဝက သူကြွယ်ဖြစ်လာ၏။ အာဠဝက
ဘီလူးနှင့်တကွ၊အာဠဝီပြည်သား ရှစ်သောင်းလေးထောင်တို့လည်း အကျွတ်တရားရသွား
ကြလေကုန်သည်။


No comments:

Post a Comment