အားလုံးကိုယ်စိတ်နှစ်ဖြာရွှင်လန်းချမ်းမြေ့ကြပါစေ

Friday, 16 December 2011

ဗကဗြဟ္မာကို အောင်မြင်တော်မူခြင်း-၈။



ဗကဗြဟ္မာကြီးသည် ပထမဈာန်ဘုံသားဖြစ်၏။ ဗြဟ္မာဘုံ၌အနေကြာသောအခါ အတိတ်ကို
မေ့ကာ ဗြဟ္မာလောကသည် မပြိုမကွဲ မြဲ၏၊ထာဝရ တည်တံ့၏၊ဟု သဿတဒိဋ္ဌိအယူဖြစ်နေ
လေသည်။မြတ်စွာဘုရားရှင်သည် ဗကဗြဟ္မာကြီး၏ အကြံကိုသိနေ၍ ဆုံးမပြီးကယ်ချွတ်တော်
မူရန်၊ ဗြဟ္မပြည်သို့ ကြွလေ၏။ မြတ်စွာဘုရားရှင်သည် ဗြဟ္မဘုံသည် ထာဝရတည်မြဲနေသောဘုံ
မဟုတ်ကြောင်း ၊ဒုတိယဈာန်၊တတိယဈာန်၊စတုတ္ထဈာန်၊ ဗြဟ္မာဘုံလောကများ နှင့် မဂ်၊ဖိုလ်၊နိဗ္ဗာန်
ဟူသော သာလွန်မြင့်မြတ်သော ထွက်မြောက်ရာများရှိနေကြောင်း၊ဗကဗြဟ္မာကြိး၏ မိစ္ဆာအယူမှား
ကိုလည်းသုံးသပ်ပြတော်မူ၏။ ဗကဗြဟ္မာကြီး၏ ရှေးရှေးသော ဘဝများမှ ဘုံအမျိူးမျိူး၌ ဖြစ်ခဲ့ရပုံများ
ရှေးလူ့ဘဝတွင် ဗကဗြဟ္မာလောင်း ရသေ့ကြီးဘဝ၌ ကုသိုလ်ကောင်းမှု့ပြုလုပ်ခဲ့ပုံများကို ဟောပြ
တော်မူရာ ဗကဗြဟ္မာသည် သူ၏အတိတ်ဘဝ ဖြစ်စဉ်များကို ပြန်လည်၍ သတိရလာခဲ့လေသည်။
ထိုအခါ ဗကဗြဟ္မာကြီးသည် မိမိ၏အမှားကို ဖုံးကွယ်လို၍ တန်ခိုးပြိုင်ရန် မြတ်စွာဘုရားရှင်ကို
ပြောလေ၏။ ဗကဗြဟ္မာကြီးက-သင်၏ရှေ့မှောက်၌ အကျွန်ုပ် ပုံးကွယ်မည် တွေ့အောင်ရှာလော့
ဟု ဆိုလေသော် - မြတ်စွာဘုရားရှင်က ဗကဗြဟ္မာကြိးပုန်းကွယ်၍ မရအောင် တန်ခိုးဖြင့်တား
တော်မူထားလေသည်။တစ်ဖန်- အမှောင်ထုကြီးကိုဖန်ဆင်းပြန်သည်ကို မြတ်စွာဘုရားရှင်က
တန်ခိုးဖြင့် တားပြန်၏။ မြတ်စွာဘုရားရှင်က -ဗကဗြဟ္မာ သင်မပုန်းနိုင် လျှင် ငါပုန်ပြလေမည်ဟု
ဆို၍ တန်ခိုးတော်ဖြင့် ပုန်းကွယ်လျှက်ကပင် ဗြဟ္မာအပေါင်းတို့အား တရားတော်ကို ဟောကြား
တော်မူ၏။ မြတ်စွာဘုရားရှင် ရုပ်တော်ကိုမမြင်ရဘဲလျှက် အသံတော်ဖြင့်တရားဟောတော်မူ
သည်ကို သာ ကြားသိရသဖြင့် ဗြဟ္မာများ တရားသိမြင်ကြပြီး ကျွတ်တမ်းဝင်ကြကုန်လေ၏။


No comments:

Post a Comment