အားလုံးကိုယ်စိတ်နှစ်ဖြာရွှင်လန်းချမ်းမြေ့ကြပါစေ

Tuesday, 24 January 2012

...........................ရနိုင်ခဲသောတရားများ.....................



သုံးလောကထွဋ်ထား မြတ်စွာဘုရားရှင်သည် ရဟန်းတော်တို့ အား--ရဟန်းတို့ ...
ဤလောက၌ အလိုရှိအပ်၊နှစ်သက်အပ်၊ စိတ်နှလုံးကို တိုးပွားစေအပ်ကုန်သော
ဤတရားဆယ်မျိူးတို့ ကို၊ရနိုင်ခဲကုန်၏၊
ထိုဆယ်မျိူးကား-
၁။ အလိုရှိအပ်၊နှစ်သက်အပ်၊စိတ်နှလုံးကို တိုးပွားစေတတ်သော စည်းစိမ်ဥစ္စာ ၊
၂။ အဆင်းလှခြင်း၊
၃။ အနာရောဂါကင်းခြင်း၊
၎။ ကိုယ်ကျင့်သီလ၊
၅။ မြတ်သောအကျင့်၊
၆။ မိတ်ဆွေ၊
၇။ အကြားအမြင်များခြင်း၊
၈။ ဥာဏ်ပညာ၊
၉။ မြတ်သောတရား၊
၁၀။ နတ်ပြည်၊ တို့  ဖြစ်သည်။


ရဟန်းတို့ ဤလောက၌၊ အလိုရှိအပ်၊နှစ်သက်အပ်၊စိတ်နှလုံးကိုတိုးပွားစေတတ်
ကုန်သော၊ရနိုင်ခဲကုန်သော၊ ဤတရားဆယ်မျိူးတို့ ၏၊ အနှောက်အယှက်တို့ 
သည်လည်း၊ဆယ်မျိူးရှိကုန်၏။
ထိုဆယ်မျိူးတို့ ကား--
၁။ ပျင်းရိခြင်း၊ထကြွလုံ့ လ မရှိခြင်းတို့ သည် စည်းစိမ်ဥစ္စာ မရခြင်း၏ အနှောက်ယှက်
ဖြစ်၏၊
၂။ တန်ဆာမဆင်ခြင်း၊အတင့်အတယ်မပြုခြင်းသည် ၊အဆင်းလှခြင်း၏ အနှောက်အယှက်
ဖြစ်၏။
၃။ မသင့်မလျှော်သော ပြုမူနေထိုင်ခြင်း(စားသောက်ခြင်း)သည်၊ အနာရောဂါ ကင်ခြင်း၏
အနှောက်အယှက် ဖြစ်၏။
၎။ မကောင်းသောမိတ်ဆွေ ရှိခြင်းသည်၊ ကိုယ်ကျင့်သီလတို့ ၏ အနှောက်အယှက်ဖြစ်၏။
၅။ ဣနြေ္ဒ တို့ ၌ မစောင့်စည်းခြင်းသည် မြတ်သော အကျင့်၏ အနှောက်အယှက်ဖြစ်၏။
၆။ (တာဝန် ဝတ္တရား)ချွတ်ယွင်းစေမှု့သည်၊ မိတ်ဆွေတို့ ၏ အနှောက်အယှက်ဖြစ်၏။
၇။ ရွတ်ဖတ် သရဇ္ဈာယ်ခြင်း(လေ့လာခြင်း)ကို မပြုခြင်းသည်၊ အကြားအမြင်များခြင်း၏
အနှောက်အယှက်ဖြစ်၏။
၈။ မကြားနာခြင်း၊မမေးမမြန်း၊မလေ့လာခြင်းသည် ပညာ၏အနှောက်အယှက်ဖြစ်၏။
၉။ မစီစစ်ခြင်း၊ အဆင်ခြင် ခြင်းသည် တရားတို့ ၏ အနှောက်အယှက်ဖြစ်၏။
၁၀။ မှားယွင်းစွာ ကျင့်ကြံမှု့သည် နတ်ပြည်(ရောက်ခြင်း)၏ အနှောက်အယှက်ဖြစ်၏။

ရဟန်းတို့ -ဤလောက၌ အလိုရှိအပ်၊နှစ်သက်အပ်၊စိတ်နှလုံးကိုတိုးပွားစေတတ်ကုန်
ရနိုင်ခဲကုန်သော တရား ဆယ်မျိူးတို့ ၏ အနှောက်အယှက်ကင်းခြင်းတို့ ၏ အကြောင်း
တရားဆယ်မျိူးတို့ ကား-
မှတ်ချက်။ ။ဖော်ပြပါဆယ်မျိူးမှ ၁။ ထကြွ လုံ့ လ ရှိခြင်း၊မပျင်းရိခြင်း၊ စသည်ဖြင့်.........
ဤဆယ်မျိူးတို့ ဖြစ်၏ဟု မြတ်စွာဘုရားရှင် မိန့် တော်မူ၏။ ထိုဆယ်မျိူးကို အပြန်အား
ဖြင့် နားလည်နိုင်ကြပါလေ။ ။vi99.......

(အဂုင်္တ္တိုရ် ပါဠိ၊ အာကင်္ခဝဂ်၊ ဣဋ္ဌဓမ္မ သုတ်။)





No comments:

Post a Comment